Duket se është bërë e modës që këngëtarë të muzikës së lehtë të bashkëpunojnë me ikona të muzikës popullore. Pas bashkëpunimeve të shumta të kësaj natyre, duket se një tjetër po vjen. Këngëtari Mateus Frroku ka lajmëruar se është duke punuar për një këngë në bashkëpunim me këngëtarin e mirënjohur të muzikës popullore, Bujar Qamili.
Megjithëse nuk ka një deklaratë nga të dy artistës, nga një foto e postuar në faqen e Instagramit të Mateusit shihet kompozitori Klejdi Bahiti me këngëtarin Frroku dhe Bujar Qamili. Më herët babai i Mateus Frrokut ka postuar në Facebook një status, në të cilin lajmëron se djali i tij është duke bashkëpunuar me një këngëtar të madh, por pa përmendur emër. E duket se kjo na çon të mendojmë të sigurtë në lidhje me këtë bashkëpunim të mundshëm.
