Për Peshkopinë, Burrelin, Bulqizën, Mirditën dhe Laçin ka përfunduar instalimi të gjithë matësave të energjisë elektrike. Që prej 1 korrikut, një pjesë e mirë e këtyre banorëve nuk do të paguajnë më afrofe. Ka qenë vetë kryeministri Edi Rama, i cili ka shkuar për të vizituar nga afër pajisjen me matësa të energjisë, por dhe instalimin e linjave për disa fshatra, të cilët nuk kishin furnizim gjatë këtyre 25 viteve.

“Kemi 25 vjet që nuk kemi patur matësa andej nga anët tona nga Ostreni. Pas 25 vjetësh u bë e mundur që të kemi drita”- thotë nje qytetar.

Kryeministri Rama tha se të gjitha këto investime po bëhen të mundura falë reformës që bëri qeveria në sektorin e energjisë elektrike. Ai tha se nuk do të ketë asnjë tolerim për ata që dëmtojnë matësat dhe i shmangen detyrimeve për të paguar energjinë elektrike.

“Ne jemi të angazhuar që t’i japim fund aforfesë. Jemi të angazhuar të çojmë matësin në çdo shtëpi dhe biznes që konsumon energji elektrike, por ta kenë të qartë të gjithë ata që kujtojnë se duke thyer matësin do t’i shpëtojnë rregullit të përgjithshëm, se kush thyen matësin nuk ka për të marrë energji elektrike nga 1 korriku dhe kush nuk pranon matësin, nuk do të marrë energji elektrike.”

Kompania e Shpërndarjes së Energjisë po bën investime të reja edhe në kabinat që furnizojnë rrjetin elektrik të këtyre zonave. Deri tani janë dhënë 1.5 milion dollarë për rinovimin e rrjetit.

 

 

 

 

Leave a Reply

Your email address will not be published. Required fields are marked *