Policia ka finalizuar me sukses operacionin e koduar “Fraud”, pas kallëzimit të një qytetari që ishte mashtruar financiarisht. Në përfundim të hetimeve, u arrestua shtetasi E. D., 33 vjeç, banues në Tiranë.
Sipas hetimeve të kryera nga Specialistët e Seksionit për Hetimin e Krimeve Ekonomike dhe Financiare, rezultoi se E. D. i kishte marrë 10 000 euro shtetasit G. D., në kohë të ndryshme, me pretendimin se do të shlyente detyrimet tatimore të aktivitetit të tij tregtar.
Pas grumbullimit të provave, 33-vjeçari u ndalua nga forcat e policisë dhe ndaj tij janë përgatitur materialet procedurale, të cilat i janë referuar Prokurorisë për veprime të mëtejshme ligjore.
Policia thekson se do të vijojë punën për goditjen e rasteve të mashtrimeve financiare dhe u bën thirrje qytetarëve që të denoncojnë çdo rast abuzimi.
/vizionplus.tv
