Parlamenti francez ka nisur votimin e një pakete ndryshimesh ne Kushtetute, pjese e masave te propozuara nga qeveria pas sulmeve terroriste te 13 nëntorit te kaluar, qe shkaktuan 130 viktima. Dhoma e ulet ndonëse me nje diference te ngushte votash, miratoi propozimin per t’u hequr shtetësinë franceze personave te dënuar per terrorizëm. Kjo ka qene edhe pika me e debatuar e ditëve te fundit edhe ne radhët e socialisteve. Kryeministri Manuel Valls e mirëpriti rezultatin dhe u shpreh optimist se do te gjeje mbështetje edhe ne senat. Pas miratimit te paketës se ndryshimeve ne senat, do te ketë nje sesion te përbashkët te dy dhomave te parlamentit, ku nevojiten tre te pestat e votave. Gjendja e jashtëzakonshme ne France u shty deri ne 26 shkurt, por qeveria pritet ta zgjasë atë. Sipas masave te reja i jepet me shume pushtet forcave te sigurisë. Policia lejohet te kontrollojë shtëpitë dhe te mbaje persona ne arrest shtëpiak. Por grupet qe mbrojnë te drejtat e njeriut argumentojnë se keto masa dëmtojnë keto te drejta dhe jane te pamjaftueshme per te luftuar terrorizmin.
