Te paktën 84 persona gjeten vdekjen dhe rreth 200 te tjerë u plagosen ne qytetin e Nises, kur nje kamion hyri ne mes te turmës se njerëzve dhe i përplasi, ne momentin qe zhvillohej nje spektakël fishekzjarrësh ne ditën kombëtare te Francës. Mes viktimave te paktën 10 janë femije dhe shume te mitur po marrin mjekim ne spital. Bilanci i viktimave mund te rendohet, pasi 52 persona jane ne gjendje kritike per jetën. Ata i jane nënshtruar nje mjekimi intensiv. Gjithçka ka qene e menduar mire, pasi drejtuesi i kamionit ka ecur për rreth 2 km ne nje shëtitore, duke përplasur turmat e njerëzve qe ndodheshin ne rruge per te festuar. Dëshmitaret kane rrëfyer se terroristi ecte me shpejtësi per te goditur sa me shume njerëz. Ai eshte ndjekur per minuta te tera nga policia, e cila ka shkëmbyer zjarr me te, deri ne momentin qe e ka ekzekutuar. Ndërsa përplaste njerëzit ne rruge, ai ka qëlluar me arme ne drejtim te tyre. Nje polic raportohet te jete ngjitur ne kamion dhe ne ate moment forcat e rendit e kane qëlluar per vdekje terroristin. Qytetaret qe gjendeshin ne rruge te përfshirë nga paniku jane larguar me shpejtësi. Mes turmave te njerëzve te tmerruar ndodhej edhe nje grua shqiptare me fëmijët e saj. Trupa te gjymtuar ne rruge dhe lodra fëmijësh, jane keto pamjet horror qe jane fiksuar nga kamerat dhe dëshmitaret. Policia identifikoi autorin e ngjarjes nje franko-tunizian, Mohamed Lahouaiej Bouhlel, emër i njohur per te. Fillimisht u raportua se ne kamionin 25 tonësh ndodheshin arme dhe nje granate por me pas u zbulua se ato ishin false. Sulmi nuk eshte marre persiper ende nga ndonje grup, por mbështetës te shtetit islamik kane festuar per masakrën, e cila eshte e treta e përmasave te medha ne Francë, pas sulmeve te janarit dhe nëntorit te shkuar.
