Masakër terrori në Somali, 230 të vdekur
Ka shkuar në të paktën 230 numri i të vdekurve si pasojë e shpërthimit të një makine bombë në kryeqytetin e Somalisë.
Mbi 200 të tjerë u plagosën kur kamioni i mbushur me eksploziv u hodh ne ere pranë hyrjes së një hoteli.
Presidenti somalez, Mohamed Abdullahi Farmajo, shpalli tre ditë zie dhe bëri thirrje për dhurim gjaku dhe ndihme për viktimat e sulmit.
Ai u bëri gjithashtu thirrje qytetarëve të bashkohen kundër terrorit.
Nuk dihet ende se kush i ka organizuar sulmin.
Kryeqyteti Mogadishu është një objektiv i shpeshte i grupit terrorist Al-Shabab i lidhur me Al-Kaedën, i cili po lufton qeverinë.
Policia po vazhdon hetimet ndërkohë që mendohet se numri i viktimave mund te rritet. Sulmi u dënua ashpër edhe nga Shtetet e Bashkuara dhe Kombet e Bashkuara.
