Masakër në rrugë, 25-vjeçari vret me thikë pesë persona

Një burrë i armatosur me thikë ka vrarë pesë persona dhe ka plagosur 15 të tjerë.

Ngjarja e rëndë ndodhi në Kinën Lindore, në rrugët e Anqing.

Sipas mediave të huaja, akoma nuk ka asnjë të dhënë që tregon se pse ndodhi krimi, por nga ana e autoriteteve po hetohet.

Deri tani është zbuluar se autor është një 25-vjeçar.

Sulmet me thika nuk janë të rralla në Kinë. Në prill, një burrë goditi me mjetin prerës dy fëmijë dhe plagosi 16 të tjerë në një kopsht.