Masakër në mes të Stambollit

Turqia goditet mu në zemër të Stambollit nga një sulm terrorist i militanteve te ISIS. Zona turistike Sulltan Ahmet, e cila ndodhet mes Xhamisë Blu dhe katedrales Haja Sofia, është përgjakur nga nje shpërthim i fuqishëm, ku kanë humbur jetën të paktën 10 persona dhe 15 të tjerë janë lënduar. Numri i viktimave është konfirmuar zyrtarisht, ndërsa mes tyre janë gjashtë shtetas gjerman një norvegjez, një peruan dhe te tjerët turq. Ndërkohe gazeta “Bild” citon një reporter te gazetës “Hyrriet”, i cili thekson se kamikazi ka hedhur veten në erë në mes të një grupi turistësh gjermane. Ndërkohe burimet diplomatike shqiptare konfirmojnë se nuk ka raportim që mes të lënduarve në këtë sulm të ketë patur shqiptare, ndonëse numri i tyre në këtë zonë është i konsiderueshëm. Policia ka rrethuar gjithë vendin e ngjarjes, ndërsa njësitë antiterror janë në gjendje gatishmërie. Mbi Stamboll janë parë të fluturojnë dhe helikopterë, të cilët po monitorojnë situatën nga ajri. Ndërkohë ekspertët antieksploziv ndodhen në zonën e shpërthimit, ku kanë nisur hetimet. Menjëherë pas shpeshimit, kryeministri turk Ahmdet Dautoglu mbajti një mbledhje urgjente qeverie. Krahas ministrave, në takim ishte dhe shefi i shërbimit të brendshëm. Në faqen zyrtare të Ministrisë së Jashtme gjermane i është bërë thirrje turistëve të mos qëndrojnë në grupe të mëdha, nga frika e sulmeve të mundshme terroriste. Kjo nuk është hera e parë që Turqia goditet nga shpërthime të tilla. Në muajit tetor dy sulme të njëpasnjëshme ndodhën në Ankara me pasojë vdekje e 100 personave, ndërsa në korrik, 30 të tjerë u vranë në një sulm terrorist gjatë një tubimi në kufi me Sirinë.