Një ngjarje e rende ndodhi në Sydney në Australi. Ndërsa po mbahej një festë hebraike dy persona kanë hapur zjarr, duke lënë te pakten 12 te vrare dhe shumë të tjerë të plagosur, mes tyre edhe dy oficerë policie.
Ekziston rreziku që numrii viktimave dhe të plagosurve të rritet në vijim.
Dëshmitarë okularë u thanë mediave se dy persona dolën nga një automjet dhe nisën të qëllonin ndaj turmës, ku ishin mbledhur gati 2 mijë njerëz që kremtonin festën hebraike të Hanukah.
Sulmi zgjati rreth 10 minuta dhe pamjet në vendin e ngjarjes ishin tragjike. Sipas autoriteteve, mes viktimave është edhe njëri nga autorët. Tjetri u bllokua nga një person i pranishëm, siç duket edhe në këto pamje.
Në vendin e ngjarjes shkuan dhjetëra ambulanca dhe forca të shumta të rendit. Qytetarëve iu bë thirrje të shmangin zonën. Ngjarja ndodhi në një moment kur mijëra vendas dhe turistë ndodheshin në plazh pas një dite me temperatura deri në 30 gradë Celsius.
Ndërkohë në një makinë janë gjetur edhe pajisje shperthyese.
Sulmin dënoi menjëherë presidenti izraelit Isaac Herzog, i cili u bëri thirrje autoriteteve australiane të luftojnë “valën e madhe të antisemitizmit.
“Zemrat tona janë me ta… lutemi për shërimin e të plagosurve, lutemi për ta dhe lutemi për ata që humbën jetën. Ia përsërisim alarmin tonë herë pas here qeverisë australiane që të luftojë kundër valës së madhe të antisemitizmit që po e mundon shoqërinë australiane”, u shpreh Presidenti i Izraelit, Isaac Herzog.
Në lidhje me ngjarjen reagoi edhe kryeministri i Australisë Anthony Albanese.
Ky është një sulm i synuar ndaj australianëve hebrenj në ditën e parë të Hanukkah, e cila duhet të jetë një ditë gëzimi, një festë besimi, një akt i së keqes, antisemitizmit, terrorizmit që ka goditur zemrën e kombit tonë.
“Një sulm ndaj australianëve hebrenj është një sulm ndaj çdo australiani Nuk ka vend për këtë urrejtje, dhunë dhe terrorizëm në kombin tonë. Më lejoni të jem i qartë, ne do ta zhdukim atë”. Tha kryeminsitri i Australisë, Anthony Albanese.
Sulmi ne Australi u dënua nga lidërë në mbarë botën. Motivet e masakres dhe identiteti i agresorëve mbeten ende të paqarta por dyshohet se ngjarja mund të ketë lidhje me antisemitizmin.
