Masa kontrolli në dogana
12 shtetas pakistaneze, të cilët kishin destinacion Gjermaninë janë ndaluar këtë të enjte në piken kufitare te Kakavijës. Ata u kapen ne zonën e gjelbër mes Shqipërisë e Greqisë, në vendin e quajtur “post katund”. Policia bën te ditur se të gjithë këta persona kishin hyrë ilegalisht nga Greqia, dhe do te përdornin Shqipërinë per te kaluar ne Mal te Zi. Ndërkohe, behet e ditur se jane shtuar masat e sigurisë edhe ne piken e kalimit kufitar te Kapshticës. Megjithatë, Ministrja e integrimit Klajda Gjosha konfirmoi se qeveria shqiptare nuk do të ngrejë mure për emigrantet. Nga mbrëmja e se mërkurës tre patrulla kufitare janë vendosur në kufi, ndërsa një tjetër ekip kontrolli është vendosur në aksin Korçë – Kapshticë. Masat u morën pas sinjalizimeve se drejt vendit tone mund te ketë nje fluks refugjatesh nga lindja, te cilët aktualisht ndodhen ne Greqi, pasi nuk janë lejuar te kalojnë ne Maqedoni.
