Martin Shkreli sfidon kongresin amerikan

Martin Shkreli, shqiptari i konsideruar njeriu me i urryer ne SHBA, pasi rriti me 5 mije perqind çmimin e nje ilaçi kundër SIDA-s kur ishte president i një kompanie farmaceutike, refuzoi t’u përgjigjej pyetjeve gjate nje seance ne kongresin amerikan. Ai ishte thirrur ne nje komision te kongresit qe heton rritjen e çmimit te medikamentit. 32 vjeçari tha se po ushtronte të drejtën për të mos thënë asgjë që mund ta inkriminonte, sipas amendamentit të Pestë te kushtetutës amerikane. Megjithëse heshti në seancë, në Twitter ai nuk nguroi te kritikonte ligjvënësit që do ta merrnin në pyetje, ndërsa shkroi “Vështirë ta besosh, që këta budallenj përfaqësojnë popullin në qeverinë tonë”. Shkreli u arrestua dhjetorin e kaluar per mashtrim pas hetimeve qe përfshinin nje fond investimesh dhe nje kompani farmaceutike, te cilën e kishte drejtuar me pare. Shkreli gjate kohës qe ishte shef ekzekutiv i kompanisë farmaceutike “Turing”, e rriti çmimin e Daraprimit nga 13,5 dollarë ne 750.