Martesa homoseksuale/ Tiziano Ferro: Jam katolik, besoj tek dashuria universale
16 Korrik 12:17
Tiziano Ferro u martua në datën 13 korrik me partnerin e tij amerikan Victor Allen.
Një dasmë e organizuar në Sabaudia të Italisë në masa shumë të forta sigurie.
“Me martesën Victor bëhet pjesë e familjes time dhe kjo është një e vërtetë që nuk mund të mbahet e fshehtë”, shkroi këngëtari në rrjetet sociale.
Këngëtari italian dhe biznesmeni amerikan kishin më shumë se 3 vite të lidhur derisa vendosën ta kurorëzojnë me dasëm private këtë martesë.
Një lajm që natyrisht ka pasur reagime të shumta sidomos të shoqatave që mbrojnë familjen e rregullt e tradicionale.
Për shkak të zhurmës së madhe që bëri martesa e këngëtarit italian me partnerin 15 vjet me të madh, Tiziano Ferro shkroi një letër të gjatë të publikuar në “Corriere della Sera”.
Mes të tjerash ai thotë:
“Jam katolik, besoj tek mrekullitë dhe tek dashuria universale. Kam dëgjuar shumë njerëz që e heqin veten si të indinjuar kundrejt aktiviteteve që ne bëjmë për të mbrojtur të drejtat e homoseksualeve. Problemi është që në Itali, nuk besojmë më shumë në ZOT. Lutemi por nuk dëgjojmë. Presim mrekullira dhe negociojmë ardhjen e një zgjidhje, në këmbim të një tjetër tërheqje nga dicka..Unë besoj në ZOT, jam katolik. Zoti im është një Zot që fal dashuri, është një Zot simpatik”, shprehet mes të tjerash Tiziano Ferro, I cili është shumë I dashur në Itali dhe më gjërë për muzikes që ka bërë ndër vite.