Një autobus i linjës është përfshirë nga flakët në parkingun e një firme private në rrugën Ali Demi.
Sipas njoftimit zyrtar, zjarri në mjet ka rënë rreth orës 00:35 dhe dyshohet për shkak të një defekti elektrik.
Si pasojë e shpërndarjes së flakëve janë djegur dhe dy autobusë të tjerë linje.
“Rreth orës 00:35, në rrugën Ali Demi, në parkingun e një firme private, dyshohet se për shkak të një defekti elektrik është përfshirë nga flakët 1 automjet (autobus linje) dhe si pasojë e shpërndarjes së flakëve janë djegur dhe dy automjete të tjera(autobusë linje).
Grupi hetimor po punon për sqarimin e plotë të rrethanave të shkakut të rënies së zjarrit”, thuhet në njoftim. /vizionplus.tv
