Kryeministri Edi Rama ka ndarë një pjesë nga marrëveshja e Ohrit dhe ka ngritur shqetësimin se përse OKB iu është referuar palëve si Beogradi dhe Prishtina.

 

Në reagimin e tij, Rama thekson se duhej të ishtë përdorur, Kosovë dhe Serbi, si emër zyrtar i dy shteteve.

 

Ai ka shtuar se do ishte e papranueshme që SHBA të përdorte qëllimisht këtë emër.

 

“’Beogradi dhe Prishtina’?! Një gabim serioz apo një lapsus? Emri zyrtar i saj është ‘Marrëveshja për rrugën drejt normalizimit ndërmjet Kosovës dhe Serbisë’ dhe do të ishte e papranueshme nëse SHBA nuk do ta përdorte këtë emër të duhur qëllimisht. Ju lutemi jepni sqarime menjëherë”, shkruan Rama.

 

 

Më herët në reagimin e tij të parë pas takimit maratonë në Ohër, kryeministri Rama përgëzoi dakordësinë e arritur mes palëve. Në të njëjtën kohë, ai theksoi që shpreson se ‘djalli të mos fshihet në detaje’.

Leave a Reply

Your email address will not be published. Required fields are marked *