Greqia dhe Shqipëria janë pranë finalizimit të marrëveshjes për detin. Kështu është shprehur MINISTRI i mbrojtjes grek Panos Kammenos. Sipas tij Athina ka arritur te marre atë qe ka kërkuar nga Tirana.
Mbrëmë u takova me kryeministrit dhe çështja e zonës ekskluzive ekonomike po mbyllet edhe me Greqinë edhe me vende të tjera. Është dhe çështja e marrjes së ujërave territorialë sipas të drejtës detare ndërkombëtare. Në lidhje me marrëveshjen jam i gëzuar në mënyrë të veçantë pasi çka ka kërkoi Greqia nga Shqipëria po realizohen siç janë gjetja e eshtrave të ushtarëve grekë. Është në interesin e Shqipërisë të mbrohet minoriteti grek. Shqipëria ka filluar të kuptojë se është në interesin e sajtë ketë marrëdhënie të mira me Greqinë.
Por Panos Kammenos eshte kategorik ne qëndrim ku flet për Çamërinë duke deklaruar se banoret e kësaj krahine ishin bashkëpunëtore te nazisteve dhe sipas tij historia nuk mund te deformohet.
Epiri i Veriut është zonë ku grekët kanë ekzistuar dhe do të ekzistojnë, do të mbrohet minoriteti. Për çka flitet për kthimin e pasurive nuk kanë lidhje me çamët. Çamët janë kriminelë lufte të cilët bashkëpunuan me nazistët dhe me kriminelë të luftës nuk bashkëbisedojmë. Çështjet e tjera që i përkasin të dyja vendeve do të diskutohen dhe do të zgjidhen paqësisht. Është në interesin e të gjithëve të zgjidhen problemet. Historia nuk mund të fshihet.
Në lidhje me emrin e ri të Maqedonisë Kammenos deklaroi se do të marrë pjesë në samitin e NATO-s të datës 11-12 korrik dhe marrëveshja në parlamentin grek mund të kalojë vetëm me shumicë të cilësuar votash. Në të kundërt sipas kreut te partisë grekë te pavarur vendi do te shkoje ne zgjedhje.
