“Marrëdhënie speciale SHBA-Britani”, Princi William do të takohet me Donald Trump në Paris përpara rihapjes së Notre-Dame
Princi William, i cili do të marrë pjesë sot në ceremoninë e rihapjes së Katedrales Notre Dame në Paris, do të takohet me presidentin e zgjedhur të SHBA-së, Donald Trump.
Princi i Uellsit pritet të diskutojë rëndësinë e “marrëdhënieve speciale” SHBA-MB me presidentin e zgjedhur.
Pallati Kensington shtoi se ai do të takohet gjithashtu me zonjën e parë në largim Jill Biden, gruan e Presidentit Joe Biden, të cilën ai e takoi në kurorëzimin e Mbretit vitin e kaluar.
William u takua për herë të fundit me Trump gjatë vizitës së tij shtetërore në Mbretërinë e Bashkuar në vitin 2019.
Trump është në mesin e dhjetëra të ftuarve, përfshirë krerët e shteteve dhe qeverive, të ftuar nga Presidenti francez Emmanuel Macron për të marrë pjesë në ceremoninë e rihapjes të shtunën në mbrëmje./vizionplus.tv
