Kryeprokurorja e Përgjithshme Arta Marku, është takuar këtë të premte me të gjithë drejtuesit e Prokurorive të Rretheve Gjyqësore dhe të Apelit.
Në këtë takim Marku ka kërkuar rritjen e bashkëpunimit të prokurorive me policinë si dhe ngritjen e grupeve të hetimit të krimeve në tërësi dhe veçanti për krimet ndaj personit dhe pronës, korrupsionit dhe krimit të organizuar.
Gjithashtu kryeprokurorja Marku, ka kërkuar nga të gjithë drejtuesit e prokurorive, të paraqesin brenda muajit shtator, listën e përditësuar të personave në kërkim dhe në bashkëpunim me Policinë e Shtetit marrjen e të gjitha masave për evidentimin dhe kapjen e tyre.
