“Marina Orikum”, investimi i vetem i ketij lloji ne vendin tone, dhe nder me te rendesishmit ne rajon, ka një bum rezervimesh nga turistët elitarë të Europës Veriore.
Kështu është shprehur Junald Bajraktari, administratori i “Marina Orikum shpk”, në një intervistë për Quo Vadis në Vizion Plus.
Ai tha se klientët shqiptarë janë ata më besnikët, që nuk e tradhtojnë detin as në dimër, ndërsa thekson se rezervimet nga italianet, austriaket, francezet dhe gjermanet janë në kapacitete të plota.
“Ka klientë shqiptarë, flasim për ata “ujqerit” e detit që nuk e braktisin detin as dimrit, por këtu kryesisht klientela është e huaj. Dikur italianët kane qenë prezentë, sepse edhe afërsia ben te veten, po sot është rritur shumë numri i atyre gjermanë, austriakë dhe francezë. Prenotimet këtë vit janë nga veriu i Europës. Deri tani jemi në kapacitetet e plota të Marinës dhe shpresojmë që tu japim mikëpritjen që i ka munguar bregdetit shqiptar”, tha ai.
Junald Bajraktari shtoi më tej se Marina ndodhet në një pikë strategjike, në kryqëzim detar dhe tokësor, aq me teper qe ne Vlore brenda pak vitesh perfundon edhe aeroporti.
“Marina për fatin e saj të mirë përvecse është në një kryqëzim detar, fatmirësisht është edhe në një kryqëzim rrugësh. Është një nyje që lidh pjesën e rivierës me Vlorën dhe është në një pozicion jo shumë larg Bypass-it. Është një pikë që mund të vizitohet brenda harkut kohor 20-30 minuta. Me hapjen e aeroportit do i japë një frymëmarrje më të madhe”.
