Ju falenderoj për vëmendjen që keni dhe për problematika kaq të vogla. Më vjen mirë edhe që keni një vëmendje kaq të shtuar edhe për aspektet e vegjël që lidhen edhe me logot e institucioneve.
Kështu ka zgjedhur ministrja e Kulturës Elva Margariti të përgjigjet për ecurinë situatës mbi akuzat e ngritura per vjedhje te logos që kushtoi 18 milionë lekë te Institucionit të Tetarit të Operës dhe Baletit.
Nga ana tjetër, ndonëse premtoi që në krye të herës se do te ngrejë një komision te posaçëm shqyrtimi, ministrja pohon se ai akoma nuk është formuar.
ELVA MARGARITI
MINISTRE E KULTURES
Sipër tavolinës sime nuk e kam ende për firmë por kemi bërë takimet e duhura edhe për të folur se për çfarë duhet të ngrihet komisioni nga ana e Ministrisë.
Sindikata e artisteve ka zgjedhur që akuzat e tyre t’i bëjnë më konkrete, duke i artikuluar një kërkesë, e cila do të depozitohet pranë Ministrisë së Kulturës.
RESHAT IBRAHIMI
KREU I SINDIKATES
I kërkohet Ministrisë së Kulturës të dërgojë në mënyrë urgjente auditin, ekipin e kontrollit ku të verifikohet çdo problematikë. Pastaj sindikata mbi bazën e këtij konkluzioni do të marri vendim përkatës në rast se ka shkelje abuzime dhe korrupsion ti drejtohet Kontrollit të lartë të shtetit ne lidhje me shpenzimet.
Në rast se edhe me këtë hap, nuk do të merret asnjë masë, artistët paralajmërojnë së do të nisin protestën.
RESHAT IBRAHIMI
KREU I SINDIKATES
Nëse ministrja hesht i bëj thirrje artistëve te dalin një orë e më para në protestë.
Artistë të Operas dhe Baletit i qëndrojnë mendimit se kjo logo nuk e përfaqëson institucionin.
ERTRITA IBRAHIMI
VIOLINISTE
Po ta shikosh logon nuk përfaqson asgjë, une them të rikthehet logoja që ishte edhe kaq. Varet se si e ka matematiken ministrja, 18 milionë ne na duken shumë po asaj i duken pak.
Fituesi i konkursit të shpallur për logon e Teatrit të Operas dhe Baletit është kompania “Pika Pro”, e cila nuk i ka pranuar akuzat për plagjiaturë.