Partia më e madhe opozitare në Maqedoni VMRO-DPMNE, ka dorëzuar në kuvend një mocion mosbesimi ndaj qeverisë së kryeministrit Zoran Zaev.
Kreu i kësaj partie, Hristijan Mickovski, ka thënë për mediat se pret që të mërkurën, kryetari i parlamentit të thërrasë seancën ku do të diskutohet rreth mocionit të mosbesimit ndaj qeverisë, dhe shumë shpejt, të mbahen zgjedhjet e parakohshme.
Iniciativa për mocionin sipas rregullores së kuvendit duhet të futet ne axhenden parlamentare 3 ditë pas dorëzimit. VMRO-DPMNE aktualisht ka më pak se 50 mandate, pas largimit nga kjo parti të 2 deputetëve.
