Maqedoni, takohen liderët partiak për referendumin
Të gjithë liderët e partive politike, me ftesë të kryeministrit Zoran Zaev janë mbledhur në klubin e deputetëve. Në këtë takim me opozitën synohet përafrimi i qëndrimeve për zgjedhjen e anëtarëve të KSHZ-së.
Ndërsa me VMRO-në dhe partitë e tjera, të cilat kanë numër më të vogël të deputetëve në Kuvend pritet të diskutohet edhe për referendumin e emrit, i cili pritet të mbahet në vjeshtë.
Pjesë e këtij takimi janë kryeministri dhe njëkohësisht lideri i LSDM-Së, Zoran Zaev bashkë me Radmilla Shekerinskën, lideri i VMRO-DPMNE-së Hristijn Mickovski i shoqëruar nga Tanja Karakamisheva, Ali Ahmeti dhe Bujar Osmani nga BDI-ja, Zijadin Sela bashkë me Arben Taravarin nga Aleanca për Shqiptarët, kreu i PDSh-së Menduh Thaçi dhe Imer Aliu, Afrim gashi nga njëra dhe Billal Kasami me Fadil Zendelin nga krahu tjetër i Besës dhe përfaqësues tjerë të partive më të vogla në vend.
Bëjmë me dije se ky është takimi i parë në nivel liderësh ku marrin pjesë edhe lider të partive që kanë më shumë se 1 deputet në Kuvend.
