Parlamenti i Maqedonisë pritet të zgjedhë sot kryetarin, ndërsa kandidati i përfolur për të marrë këtë post është deputeti i BDI, Talat Xhaferi. Sipas informacioneve te mediave maqedonase, ka nisur mbledhja e Komisionit për zgjedhje dhe emërime, prej nga do të dalin dhe kandidaturat. Gjithnjë sipas mediave, partia VMRO-DPMNE mund të bllokojë foltoren e kuvendit në momentin që do të votohen kandidaturat. Kryetari i kësaj partie, ish-kryeministri Nikolla Gruevki nuk ndodhet në parlament. Ai është larguar nga Shkupi dhe ka mbërritur në kryeqytetin turk Stamboll. Për zgjedhjen e kryetarit të parlamentit nevojitet një shumicë e thjeshtë prej 61 votash dhe nëse Xhaferri votohet, ai bëhet kryeparlamentari i parë shqiptar në Maqedoni.

 

Leave a Reply

Your email address will not be published. Required fields are marked *