Kuvendi i Maqedonisë vijon sot debatin për ndryshimet kushtetuese, të nevojshme për zbatimin e marrëveshjes me Greqinë për emrin.
Nga LSDM dhe BDI, dy aleatet kryesore ne qeveri, janë shprehur optimiste për kalimin e ndryshimeve, por pa saktësuar nëse e kanë numrin e votave.
Qeveria, e cila ka propozuar amendimet, ka kërkuar nga opozita që t’i bashkohen grupit të deputetëve që mbështesin zbatimin e marrëveshjes dhe zhbllokimin e procesit të anëtarësimit të Maqedonisë në NATO dhe BE.
Ndërkohë nga forca opozitare Vmro-Dpmne kanë përsëritur qëndrimin kundër ndryshimeve kushtetuese dhe marrëveshjes me Greqinë, duke e quajtur atë “të vdekur”, pas referendumit te 30 shtatorit.
Nëse ndryshimet nuk miratohen, atëherë Maqedonia detyrimisht do të shkojë në zgjedhje të parakohshme parlamentare.
