Ivanov nuk ndryshon qëndrim
Pavarësisht kërkesave te përsëritura nga LSDM, por edhe ndërkombëtaret per t’i dhënë mandatin Zoran Zaev per te formuar qeverinë, presidenti Gjorgje Ivanov nuk tërhiqet nga vendimi i tij. Ne nje reagim te kabinetit te tij thuhet se ende nuk jane tejkaluar pengesat per t’i dhënë mandatin Zaev. Ne këtë mënyrë Ivanovi i mbetet qëndrimit te shprehur ne 1 mars, ku ai kërkoi qe Zaev te heqe dore nga platforma shqiptare.
Por ndërsa presidenti nuk ka ndryshuar qëndrim, kjo jave pritet te jete përcaktuese per zgjedhjen e kryetarit te ri te parlamentit. Mediat ne Shkup paralajmërojnë se te enjten, partite qe kane shumicën parlamentare, LSDM, BDI dhe Aleanca per shqiptaret pritet te thërrasin kuvendin per vazhdimin e seancës konstituuese, si edhe per zgjedhjen e kreut te ri.
Sipas zedhenesit te LSDM-se, Petre Shilegov konsultimet mes partive qe përbejnë shumicën per thirrjen e kuvendit do te vazhdojnë. Ai tha se sa me shpejt qe Ivanov te jape mandatin, aq me shpejt do te stabilizohet vendi.
Ende mbetet e paqarte se cili do ta thërrasë parlamentin dhe kush do ta drejtoje seancën, pasi ligjërisht kjo gje i takon kreut te sesionit te mëparshëm, Trajko Veljanovski nga radhet e VMRO-se.
Duket se kjo lëvizje është nje tentative e partive qe kane shumicën per te zhbllokuar krizën politike dhe institucionale, qe e kane lënë vendin pa qeveri me shume se tre muaj pas zgjedhjeve te dhjetorit.
