Pak përpara se të afërmit dhe miqtë e familjes të ulen në tryezën e festave të fundvitit, ekspertët kanë publikuar një udhëzues se si të menaxhojmë komentet e pavenda ose të sikletshme nga fisi.
Këto pyetje ose komente mund të jenë në lidhje me ushqimin, peshën, situatën tuaj financiare, marrëdhëniet personale, karrierën ose fëmijët.
Siç shpjegon për CNN psikologia Rosanne Capana-Hodge , këto komete është një nga arsyet pse pushimet nuk janë domosdoshmërisht koha më e lumtur për një pjesë të popullatës .
Por si mund të “fortifikohet” njeriu ndaj këtyre komenteve?
Duke iu përgjigjur kësaj pyetjeje, Cami Orange thekson se vendosja e kufijve është një hap i rëndësishëm.
“Megjithatë, kufijtë janë të vështirë dhe duhet një përgatitje për të ditur se si të përgjigjeni në vend që të reagoni për të mbrojtur ndjenjat tuaja,” thotë psikologia.
Cili koment mund t’ju shqetësojë?
Hapi i parë është të shkosh i përgatitur në situata të tilla familjare, vëren themeluesja e një qendre për trajtimin e çrregullimeve të të ngrënit në Maryland, Jennifer Rollins.
“Vendosni paraprakisht se cilat komente ju bezdisin dhe çfarë dëshironi të përgjigjeni,” shpjegon Rollin.
“Nuk do të zgjidhësh problemet familjare 30 vjeçare në tryezën e festave”, thekson Kapana Hodge.
Megjithatë, mund të shmangni konfliktin duke caktuar tema të sigurta në tryezë, në të cilat mund ta ridrejtoni bisedën kur ajo kthehet në një temë që mund të jetë e pakëndshme.
Mundohuni të jeni të sjellshëm duke përdorur thënie “unë” të tilla si: “Nuk mund të flas për këtë kur mblidhemi, sepse ndihem jo rehat”. Kështu përgjigja tingëllon më pak agresive, thekson ajo.
Qofshin kritike me apo pa qëllime të mira, komentet për peshën apo ushqimin që dikush zgjedh të vendosë në pjatë janë shpesh pyetje që mund të vënë n siklet një person apo edhe ta acarojnë.
“Është e rëndësishme të pranoni se komentet që bëjnë njerëzit për ushqimin dhe peshën tregojnë shumë më tepër për personin që komenton sesa për ju”, thotë ajo.
“Kur do të gjesh një djalë të mirë për t’u martuar?”
Në zemër të tryezave familjare, çështja e jetës dashurore nuk mungon thuajse asnjëherë, sidomos tek të rinjtë.
Sipas psikologes, ka shumë mënyra për të shmangur këtë pyetje. Ju mund ta ridrejtoni bisedën në diçka tjetër, duke thënë, për shembull, “Kur ta marr vesh, do t’ju njoftoj”.
Një tjetër koment që shpesh vë në pozitë të vështirë shumë e shumë është: “kur do të bësh fëmijë”.
Në këtë rast, Orange sugjeron, “ju ose mund ta shkurtoni bisedën me një deklaratë të drejtpërdrejtë si: “Unë vërtet nuk dua të flas për këtë”.
