Ministri i drejtësisë Ylli Manjani zhvilloi një takim me bashkëraporterët e Këshillit të Evropës, Andrej Hunko e Joseph O’reilly. Në fokus të diskutimit ishin zhvillimet e fundit që lidhen me miratimin e reformës në drejtësi si dhe pritshmërinë e fazës së zbatimit të saj. Bashkëraporterët e Këshillit të Evropës i kërkuan ministrit të bëjë një analizë të përmbledhur mbi ecurinë e deritanishme të reformës, ndërsa një interes të veçantë shprehën edhe per drejtimet kryesore ku do të fokusohet zbatimi i saj. Ministri i drejtësisë evidentoi kontributin e gjithanshëm në ndërtimin e kësaj reforme, ku sipas tij, një rol të madh luajti edhe ekspertiza ndërkombëtare.
