Janë mbyllur këtë te mërkure xhirot e para të ndeshjeve të 1 te 8 të Uefa Champions League. Mançester City ishte skuadra që spikati duke mundur 1 me 3 ne transfrerte Dinamo Kiev e duke hipotekuar kështu kualifikimin për në çerekfinale. Në takimin e transmetuar në platformën Tring, skuadra angleze shfrytëzoi emrat më cilësore ne organike për të dominuar ndaj ukrainasve. Miqtë shënuan dy herë në pjesën e parë me anë të argjentinasit Aguero në minutën e 15 dhe David Silves në minutën e 40. Vendasit e Dinamo Kiev provuan të futen në lojë me shkurtimin e diferencave në minutën e 58 nga Vitali Bujalski por në fund kur e gjitha skuadra ukrainase po tentonte te barazonte rezultatin, ishte Jaja Ture që me golin e tij mbylli takimin me shifrat 1 me 3. Shumë me e ekuilibruar përballja tjetër e transmetuar në Vizion Plus ku PSV dhe Atletiko Madrid u ndanë me një barazim 0 me 0. Një takim i fortë dhe me shumë emocione në Filip Stadion ku spanjollet në pjesën e parë patën dy shanse të arta për të kaluar në avantazh me anë të Viettos dhe Griezman, por portieri Zoet ishte i pakalueshëm. Nga ana tjetër, holandezet rastin më të mirë e patën me Davi Proper. Në fraksionin e dytë spanjollet ishin me dominues e madje nga minuta e 68 luajtën me një lojtar më shumë pasi Pereiro u ndëshkua me të kuq për PSV. Megjithatë Los Colchoneros, nuk arritën dot të realizojnë golin e shumëdëshiruar. Sfida e kthimit në Madrid premton për një tjetër beteje të fortë.

Leave a Reply

Your email address will not be published. Required fields are marked *