Pas tre humbjeve rresht mes kampionatit dhe kupës, Manchester City rikthehet ne mënyrën me te mire, duke arritur nje fitore bindëse ne Kiev ne takimin e pare te vlefshme per raundin e 1/8 ve te Uefa Champions League. Ne Olimpisky te ashtuquajturit qytetaret, ne nje prove karakteri fituan me rezultatin 3-1 ndaj ukrainasve te Dinamos, duke hipotekuar kualifikimin. Përballe nje skuadre me dëshire, por teknikisht inferiore, anglezet arritën te zhbllokonin shifrat qe ne minutën e 16 me Kun Aguero. Ne minutën e ‘40, portieri veteran Shovkovski u detyra te nxirrte për here te dyte topin nga rrjeta nga nje aksion fantastik te finalizuar nga David Silva. Ne pjesën e dyte marshi i vendasve ndryshoi duke provuar te vinin ne panik mbrojtjen kundërshtare me ane te Jarmolenko. Dhe ne minutën e ‘59 skuadra e Rebrov ngushtoi diferencën me merite fale një gjuajtje te Buyalsky e devijuar nga Otamendi. Deri ne fund te takimit, ndeshja pati nje ritëm te larte dhe ne fundin e saj ndodhi gjithçka. Pas disa protestave te anglezeve per faulle ne zone per Sterling dhe David Silva, si dhe nje mundësie te arte te Aguero e Yaja Ture, Manchester City ne minutën e 90 vulosi rezultatin përfundimtar me ane te futbollistit nga bregu i fildishte. Tashme takimi i kthimit është veç nje formalitet per skuadrën e Pelegrinit. Ne takimin tjetër, Psv Eindhoven dhe Atletiko e Madridit nuk shkuan me shume se barazimi 0-0  dhe tashme gjithçka pritet te zgjidhet ne sfidën e kthimit ne nje ndeshje qe le te hapura te gjitha skenarët. Ne Filips Stadion nje ndeshje mjaft taktike me shume pak raste per t’u zhbllokuar takimi. Rasti me i pastër u takoi madrileneve me Grizman dhe Vieto, por pa arritur te mposhtin holandezin Zoet. Skuadra e Filip Koku mbeti me 10 lojtare ne minutën e 68 pas daljes me te kuqe te Pereiro dhe deri ne fund te takimit arriti te mbante me fantazime te portën te paprekur. Uefa Champions League rivjen ne platformën Tring dhe Vizion Plus ne datat 8 dhe 9 mars.

 

 

 

Leave a Reply

Your email address will not be published.