Manastirliu zbulon sa vaksina Pfizer do të vijnë sot

Këtë të hënë pritet të mbërrijë një tjetër sasi vaksinash të Pfizer në Shqipëri. Ministrja e Shëndetësisë, Ogerta Manastirliu tha, teksa ndiqte nga afër procesin e vaksinimit, se bëhet fjalë për 11.700 doza të tjera të Pfizer.

“Janë më shumë se 740 mijë vaksina të ardhura në Shqipëri deri më sot, ndërkohë që sot priten edhe 11,700 doza të vaksinës Pfizer nga dy kontratat që kemi, nga kontrata me Pfizer priten 7020 doza dhe kontrata me BE mbi 4 mijë doza”, tha Manastirliu.

Ajo deklaroi se deri më tani janë vaksinuar më shumë se 6 mijë punonjës të fasonerive me një dozë, ndërsa për procesin e imunizimit në të gjithë Shqipërinë, u shpreh se po ecën me ritme të shpejta.