Në mënyrë për të kufizuar përhapjen e virusit, ministrja e Shëndetësisë, Ogerta Manastirliu shprehet se shmangia e shtrëngimit të duarve duhet të rikthehet në traditë.
Këtë apel ndaj qytetarëve, ministrja e ka shoqëruar me një foto të shpërndarë në “Facebook”, teksa pozon duke përshëndetur me dorë në zemër.
“Ne shqiptarët kemi një tradite shumë të bukur për të shprehur respektin ndaj mikut, prej kohëve të lashta. Dorën në zemër dhe një tundje e lehtë e kokës. Pse mos ta rikthejmë si traditë, për të evituar shtrëngimin e duarve, një mënyrë për të kufizuar përhapjen e virusit të rrezikshëm.”
Së fundmi, qeveria ka marrë vendim për mbylljen e lokaleve të natës dhe ndalimin e muzikës pas orës 20:00, vendim i cili u shoqërua me protesta të shumta nga artistë, pronarë dhe punonjës të lokaleve të natës.
