Manastirliu: Maska e detyrueshme në çdo ambient të mbyllur, gjoba kush s’e mban

Ministrja e Shëndetësisë, Ogerta Manastirliu zyrtarizoi këtë të mërkurë vendimin e qeverisë për të bërë me detyrim mbajtjen e maskave në ambientet e mbyllura.

Në një deklaratë për mediat, Manastirliu renditi të gjitha ambientet ku nuk do të lejohet hyrja pa maskë.

“Nëpërmjet vendimit të sotëm të qeverisë dhe aktit normativ, detyrimi për përdorimin e maskave jo mjekësore/barrierave mbrojtëse për mbrojtjen ndaj transmetimit të COVID 19 do të jetë detyrim për çdo individ në të gjitha ambientet e mbyllura; në administratën publike dhe jo publike; në transportin publik; në zyra, shkallë pallati, ashensorë, në qendrat tregtare, dyqane, supermakatat, tregjet dhe njësitë e shërbimit.”

Ajo theksoi se në rast se ky vendim nuk zbatohet, gjoba do të jetë dy mijë lekë të rinj.