Ministrja e Shëndetësisë dhe e Mbrojtjes Sociale, Orgeta Manastirlliu ka bërë mbrëmjen e sotme një kontroll të papritur në Urgjencën dhe Pediatrinë e QSUT.
Përmes një video të publikuar në rrjetin social, Manastirliu shihet teksa viziton pacientët e shtruar në Urgjencë dhe më pas i drejtohet pavionit të Pediatrisë ku bisedon me prindërit e fëmijëve të pranishëm.
“Po ndodh/ Një vizitë e shpejtë në Urgjencën e Pediatrinë në QSUT ku ambjentet e reja ofrojnë kushte më të mira për pacientët e vegjël por kemi ende shumë për të bërë për të përmirësuar kohën e pritjes ekipit të mjekëve dhe infermierëve gjithmonë në krye të detyrës”.
