Ministrja e Shëndetësisë, Ogerta Manastirliu njoftoi se brenda javës do të mbërrijnë në Shqipëri edhe 11.700 doza të tjera të vaksinës Pfizer.
Gjatë fjalës së saj në Parlament, Manastirliu deklaroi se objektivi është të realizohen 1 milion vaksinime.
“Nuk kemi reshtur për vaksinat anti-COVID. Një angazhim konkret, që i ka hapur rrugën vaksinimit me doza të dyta të moshuarit dhe kategorive të tjera. Kemi sot mbi 750 mijë doza vaksinash, si dhe do të kemi brenda javës 11.700 doza vaksinash Pfizer. Do të vijojmë furnizimin me 90 mijë doza vaksinash nga kontrata me Pfizer. Të gjitha këto përpjekje janë materializuar nga një punë kapilare në të gjithë vendit. Falë kësaj pune kemi arritur në objektivin e parë me 500 mijë vaksinimeve dhe jemi të vendosur për kryerjen e 1 milion vaksinimesh. Jemi të vendosur të intensifikojmë vaksinimin anti-COVID. Është fakt që kemi një rënie të ndjeshme në shtrimet në spitale, duke ulur pozitivitetin që është 4%. Anëtaret e Komitetit Teknik po vlerësojnë masat, por ato varen edhe nga sjellja jonë në përdorimin e masave. Shumë vende ende janë në përpjekje për sigurimin e dozave të para anti-COVID. Ndaj ne sot sjellim disa akte normative. Do të vijojmë të rrisim dispononim e vaksinave, për objektivin e 1 milion vaksinave.”
