Ministrja e Shëndetësisë dhe Mbrojtjes Sociale lajmëroi përmes një postimi në rrjetet sociale se 26,147 fëmijë kanë përfituar bonusin e bebes, mbështetjen financiare të qeverisë për çdo të porsalindur, që nga Janari 2019.
Manastirliu ndau edhe historinë e Marinit, një foshnje që ja doli të fitojë betejën e jetës, falë kujdesit të ekipit mjekësor të Maternitetit “Koço Gliozheni”.
“Ka qenë një betejë e vështirë për Marinin e vogël, që erdhi në jetë vetëm 1100 gr. Por pas 69 ditësh në reanimacion, falë punës dhe përkushtimit të ekipit mjekësor dhe infermieror të maternitetit “Koço Gliozheni” në Tiranë, djali aq shumë i dëshiruar për familjen Mullameti, është kthyer në shtëpi! Marini është fëmija i 26,147 që ka përfituar bonusin e bebes , mbështetjen financiare të qeverisë për çdo të porsalindur”
