Rey Manaj ishte protagonist në duelin përmbyllës të javës së 24 të kampionatit italian. Dueli Salernitana-Spezia e cila u transmetua në Tring u mbyll me rezultatin 2 me 2. Të zotët e shtëpisë të transformuar pas një merkato të ngjeshur kaluan të parët në avantazh me anë të një gjuajte të bukur të Verdit nga një goditje dënimi që në minutën e 3.

 

Mirëpo e shpejtë ishte edhe kundërpërgjigja e Specias. Në minutën e 11 sistemi VAR i jep të drejte miqve të cilët fitojnë një 11-metërsh dhe nga pika e bardhë paraqitet sulmuesi i përfaqësueses shqiptare Rey Manaj, i cili nuk gabon duke baraspeshuar shifrat e duke shënuar golin e dytë sezonal në Serie A.

 

Në pjesën e parë ndodh praktikisht gjithçka.

 

Salernitana fiton një tjetër goditje dënimi dhe Verdi tregon të gjithë klasin e tij duke shënuar sërish nga distanca. Mirëpo Spezia nuk demoralizohet dhe Manaj është edhe një herë tjetër protagonist. Pas një topi të prekur në zonë nga sulmuesi kuqezi, Mousset e prek me dorë dhe VAR vendos sërish penallti për miqtë, penallti e cila këtë herë do të transformohej nga Verde.

 

Në pjesën ë dytë nuk ndryshon më asgjë, pavarësisht se Gyasi dhe Manaj për miqtë patën dy mundësi ideale për ti dhënë tre pikë skuadrës mike. Salernitana mbetet e fundit ndërsa Specia e Manajt merr një pikë që i shërben për mbijetesën.

Leave a Reply

Your email address will not be published.