Statisitikat tregojnë se ai ka qenë sulmuesi më efektiv shqiptar në harkun e javës së fundit.Mirëpo kaq nuk ka mjaftuar që Rei Manaj të fitojë ftesën e De Biazit për ndeshjen e së premtes kundër Italisë. Sulmuesi i Pizës ka arritur të gjejë rrugën e golit, për të dytën ndeshje radhazibrenda 6 ditëvenë Serinë B. Dhe ndryshe nga një e dielë më parë ndaj Viçencës, këtë radhë përballë Latinas realizimi i tij vlejti të paktën 1 pikë, përderisa skuadra e drejtuar nga Gatuzo nuk shkoi dot më shumë se barazimi 1-1.

 

Sulmuesi 21-vjeçar ishte titullar me skuadrën e tij në këtë sfidë dhe krijoi rrezikshmëri për portën kundërshtare disa herë derisa arriti të gjente rrjetën me një devijim me kofshë, kur regjistrohej minuta e 50-të.Teksa për paraqitjen e bërë mori edhe një vlerësim me notën 7 nga ana e mediave italiane.Në minutat e fundit të ndeshjes, në sulmin e Pizës u aktivizua Edgar Çani, por pa arritur të krijonte rrezikshmëri para portës kundërshtare.

 

Përkundër rezultateve të Pizës, Manaj ndoshta brenda vetes shpresonte që golat e shënuar të vlenin një ftesë nga De Biazi. Por tekniku italian duket se nuk e konsideron ende gati për Kombëtaren dhe ka preferuar të bëjë zgjedhje të tjera. Duke filluar që nga rikthimi i Cikalleshit, autor i vetëm 1 goli që prej nisjes së aventurës së tij gjatë këtij viti me Akhisarin.

Leave a Reply

Your email address will not be published. Required fields are marked *