Megjithë diferencat e mëdha në këtë sezon në pikë dhe lojë, Liverpuli nuk mundi të mposhte dot Manchester United në klasiken e kampionatit anglez të vlefshme për javën e 20.
Të kuqtë u ndalën në një barazim të bukur 2 me 2 në fushën e tyre duke mos përfituar dot nga ndalesa më herët e Arsenalit ndjekës.
Në klasifikim skuadra e Arne Slot është në kuotën e 46 pikëve, 6 më shumë sesa Topçinjtë, edhe pse Liverpul ka ende si bonus një ndeshje të prapambetur kundër Evertonit në derbi.
Pjesa e parë e bllokuar në Anfilld, pa shumë raste për shënim, për meritë të kompaktësisë në lojë të miqve dhe vështirësive që hapi ekipi vendas në manovrën sulmuese.
E dyta ishte tjetër muzikë, një ndeshje vërtet spektakolare e zhbllokuar fillimisht nga Lisandro Martinez përmes një gjuajtje të bukur me të majtën në pozicion të prirët. Pas vetëm 7 minutazh barazimi, po kaq i bukur i holandezit Gakpo.
Në minutën e 70 Liverpuli kompleton përmbysjen teksa shënon me Salah golin e dytë nga pika e bardhë e 11-metrave. Mirëpo emocionet nuk mbaruan këtu pasi Dialo në minutën e 80 bëri të hesht Anfilld, e mund të kishte qenë edhe më keq në rast se Meguajer pak çaste para fundit nuk do të gabonte një rast flagrant për ti dhënë suksesin miqve, teksa Manchester United mbetet në pozita të vështirë me vetëm 23 pikë në vendin e 13.
PSG fitoi superkupën e Francës pasi mundi në ekstremin e ndeshjes Monacon 1 me 0.
Trofeu i parë i sezonit u dha në Katar, atje ku u luajt kjo sfidë që i dha mundësi parisienëve të sigurojnë suksesin në superkupë për herë të 13 në historinë e tyre, një rekord më vete.
Në Doha, kryeqytetasit e nisën më fort takimin duke goditur traversën në minutën e 10, ndërsa në minutën e 21 portieri i Monaco, Kohm ndali Dembelen me një ndërhyrje decisive.
PSG dominoi ndeshjen por nuk zhbllokoi rezultatin në raste të tjera të Vitinjes dhe Li Kang, e dyta nisi me një rast të shkëlqyer të skuadrës nga principata me Donarumene vendimtar përballë Ben Segir, ndërsa traveresa ndali Vanderson të Monaci vetëm dy minuta më vonë.
Hakimi gjithashtu iu përgjigj Monacos me një rast të shkëlqyer që u duk se do të ishte shkëndija e fundit përpara se ndeshja të shkonte tek penalltitë. Mirëpo për ti dhënë trofeun parisienëve mendoi Osman Dembele golin vendimtar të minutës së 92.
