Mali i Zi shpërblen pensionistët që vaksinohen kundër COVID

Të gjithë pensionistët në Mal të Zi që marrin dozën e parë të vaksinës kundër COVID në muajin korrik do të marrin një shpërblim. Atyre do t’iu jepet një kupon turistik në vlerë prej 50 euro.

Po ashtu, punonjësve në institucionet shëndetësore do t’iu ofrohet një ditë pushimi pas vaksinimit.

Qytetarët e Malit të Zi që janë vaksinuar me vaksinat Sinopharm ose Sputnik V, për qëllime udhëtimi jashtë vendit, do të pajisen me test PCR falas në Institutin e Shëndetit Publik.