Mali i Zi ka paralajmëruar se do të votojë kundër pranimit të Kosovës në Këshillin e Europës.
Kjo pasi Partia Demorkatike Popullore në pushtet ka mbështetur deputeten e vet, Maja Vukiçeviç, e cila është kryetare e delegacionit malazez në Asamblenë Parlamentare të Këshillit të Evropës.
“Përkrahja e plotë i është shprehur nënkryetares së partisë, Maja Vukiçeviç, kryetare e delegacionit malazez në APKE, që të votojë kundër pranimit të të ashtuquajturës Kosovë, në Asamblenë Parlamentare të Këshillit të Evropës.”
PDP-ja është njëra nga anëtaret e Frontit Demokratik të shpërbërë, prorus dhe proserb dhe përbën shumicën parlamentare në Mal të Zi, e cila udhëhiqet nga Lëvizja Evropa Tani, e kryeministrit Millojko Spajiq.
Kjo parti avokon për tërheqjen e njohjes së pavarësisë së Kosovës, daljen e Malit të Zi nga NATO-ja dhe heqjen e sanksioneve kundër Rusisë.
Anëtarësimi i Kosovës në Këshillin e Evropës është rikthyer në vëmendje në javët e fundit, pasi, me kërkesën e Qeverisë së Kosovës drejtuar Agjencisë Kadastrale për transferimin e 24 hektarëve tokë në emër të Manastirit të Deçanit, është përmbushur njëri nga kushtet kryesore për anëtarësim./vizionplus.tv/
