Një aksident me shumë të plagosur u shënua këtë të diel në aksin rrugor Fier-Seman.
Automjetet tip “Benz” dhe “Volkswagen” u përplasën me njëri-tjetrin dhe për pasojë u plagosën dy shoferët dhe katër pasagjerë.
Të lënduarit ndodhen në spitalin e Fierit, ku po marrin kujdes mjekësor.
Grupi hetimor ndodhet në vendngjarje dhe po punon për zbardhjen e rrethanave të aksidentit.
