Një aksident automobilistik është shënuar në aksin rrugor Lezhë-Shkodër, ku një automjet tip Fiat është përplasur me një zetor në vendin e quajtur kryqëzimi i Kallmetit
Burime për Vizion Plus bëjnë me dije se nga ky aksident kanë humbur jetën dy persona, ndërsa një tjetër ka mbetur i plagosur.
Ngjarja rreth ores 05:00. Policia po punon për zbardhjen e rrethanave të aksidentit.
Lezhë/Informacion paraprak
Rreth orës 05:00, në vendin e quajtur “Kryqëzimi i Kallmetit”, shtetasi P. M. banues në Tale, Lezhë, duke drejtuar automjetin tip “Fiat”, ka goditur nga pas karrelin e një mjeti bujqësor zetor i drejtuar nga shtetasi A. T. banues në Gocaj, Lezhë.
Për pasojë kanë ndërruar jetë drejtuesi i mjetit “Fiat” shtetasi P. M. 56 vjeç si dhe pasagjeri po në këtë mjet shtetasi M. Gj. 54 vjeç.
Grupi hetimor vazhdon veprimet hetimore për sqarimin e plotë të rrethanave të aksidentit.
