Shtatë persona u plagosën nga një aksident në aksin rrugor Maliq – Pojan.
Një furgon dhe një automjet u përplasen mes tyre. Si pasojë e aksidentit u plagosën drejtuesi i fugonit dhe 3 pasagjerë si dhe 3 persona që udhëtonin me mjetin tjetër.
Lexo edhe :
Përplasja ndodhi rreth orës gjashtë të mëngjesit pranë fshatit Pendavinj.
Njëri prej të plagosurve, 59 vjeç, u transportua me helikopter mëngjesin e kësaj të diele drejt spitalit të Traumës në Tiranë pasi ndodhet në gjendje të rëndë. Ndërkohë gjashtë personat e tjerë ndodhen në spitalin rajonal të Korçës jashtë rrezikut për jetën.
Dyshohet se shkak është bërë shpejtësia e madhe, por sipas policisë aksidenti është favorizuar edhe nga mungesa e sinjalistikës rrugore në aksin Maliq-Pojan. /vizionplus.tv
