Makina përplas motorin, humb jetën 63-vjeçari në Vlorë

Një person ka humbur jetën pas një përplasje nga makina në Vlorë. Ngjarja ka ndodhur pasditen e kësaj të enjtje në aksin rrugorë Vlorë-Orikum, pranë vendit të quajtur “Qafa e Luarit”.

Sipas informacioneve bëhet me dije se automjeti tip “Fiat” me drejtues shtetasin V. B është përplasur me motomjetin e markës “Honda”. Si pasojë e përplasjes ka ndërruar jetë drejtuesi i motomjetit “Honda” me gjeneralitetet A.Ç, 63 vjeç, banues në Orikum

Ndërkohë drejtuesi i automjetit shtetasin V. B., 43 vjeç, banues në fshatin Dukat, është shoqëruar në polici.