Makina përplas këmbësoren në Korçë/ Shoferi “ia mbath” nga vendi i ngjarjes

Një aksident rrugor ka ndodhur pasditen e sotme në qytetin e Korçës ku një makinë ka përplasur një këmbësore.

Polcia bën me dije se rreth orës 16:45, në lagjen nr. 18, Korçë, një automjet ka përplasur shtetasen D. M., 58 vjeçe, banuese në Korçë (këmbësore në rrugë) dhe më pas është larguar nga vendi i aksidentit. Shtetasja D. M., aktualisht ndodhet në Spitalin e Korçës, jashtë rezikut për jetën.

Grupi hetimor po punon për identifikimin dhe kapjen e drejtuesit të mjetit, si edhe sqarimin e rrethanave të ngjarjes.