Rreth 95 kg kanabis sativa është sekuestruar në kufirin mes Shqiperisë dhe Greqise falë bashkëpunimi të policive të dy vendeve.
Policia Kufitare e Igumenicës në bashkëpunim me Antidrogën, kanë marrë njoftim nga Policia Kufitare e Sarandës, se efektivët e Policisë Kufitare Sarandë dhe forcat e rendit të komisariatit të këtij qyteti ishin vënë në ndjekje të disa personave që dyshohej se po transportonin lëndë narkotike nëpërmjet kufirit jeshil ku në tokën greke do i priste një automjet.
Rreth orës 08.00 në vendin e quajtur Sajadhe, Igumenicë, Policia Greke ndaloi për kontroll mjetin me targa IPA 4427 me drejtues shtetasin grek Panajotis Petropullos, 71 vjeç, banues në Athinë, i cili u arrestua në flagrancë.
Nga kontroll i mjetit u konstatua se kishte ngarkuar lëndë narkotike Cannabis Sativa ku nga peshimi rezulton se lënda narkotike ishte paketuar në 57 pako me peshë 94 kilogramë e 720 gramë.
