Makina del nga rruga dhe përfundon në lumin Gjanica, një i vdekur

Një person ka humbur jetën, pasi automjeti që drejtonte doli nga rruga dhe përfundoi në lumin Gjanicë. Ngjarja e rëndë ndodhi mëngjesin e kësaj të mërkure në aksin rrugor Fier-Ballsh.

Shkak i këtij aksidenti dyshohet të ketë qenë shpejtësia tej normave të lejuara dhe terreni i vështirë.

Kanë qenë banorët e zonës ata që kanë konstatuar makinën që ndodhej brenda në lumë, e për pasojë kanë lajmëruar menjëherë policinë.