Majlinda Kelmendi kampione Europe

Majlinda Kelmendi arrin nje tjetër sukses madhor ne karrierën e saj. Xhudistja e talentuar ka fituar medaljen e arte ne Kampionatin Evropian, qe po zhvillohet ne Kazan te Rusisë. Kelmendi qe përfaqësoi Kosovën, doli kampione Europe ne peshën deri ne 52 kg pasi mundi ne finale para kohe, rivalen franceze Priscilla Gneto. Nje sukses i rëndësishëm per Majlinda Kelmendin për vete faktin qe u mor ne nje eveniment te zhvillohet ne Rusi, vend i cili kërkoi para nisjes se kampionatit evropian qe Kosova te mos përfaqësohej me simbole shtetërore. Delegacioni Kosovar kërcënoi me bojkot, derisa organizatoret u tërhoqën nga kjo kërkese e paprecedente. Kosova është anëtare e Komitetit Olimpik Ndërkombëtar dhe mbi te gjitha edhe anëtare e Federatës Botërore te Xhudos per rrjedhoje kërkesa e Rusisë ishte anormale. Përfaqësuesit e delegacionit Kosovar sqaruan se këmbëngulja per te mos pranuar simbolet shtetërore te këtij shtetit, u be me se shumti nga Ministria e Jashtme e Rusisë, por ndërhyrja e drejtuesve me te larta te xhudos ne Europe dhe bote e detyruan palën organizatore te ndryshoje qëndrim. E megjithatë, ruset e kane pritur me sportivitet valëvitjen e flamurit te Kosovës dhe himnin e këtij vendi si medalist i arte ne evropianin qe po zhvillohet ne Kazan. Por flamuri i Kosovës u valëvit dy here ne këtë evropian, pasi edhe xhudistja tjetër kosovare Nora Gjakova qe garoi ne peshën deri ne 57 kg mori medaljen e bronxit duke fituar ne garën per vendin e trete kundër nje tjeter francezeje Helene Receveaux. Ndërkohë suksesi i xhudistes Kelmendi ne Evropian u përshëndet ne rrjetin social nga Presidenti i vendit Hashim Thaçi. Majlinda Kelmendi është shpresa e madhe e Kosovës per te siguruar medalje ne përfaqësimin e pare historik ne olimpiadën e Rio de Zhaneiros këtë vere.