Madrilenet “pushtojnë” Milanon

Nje fundjave e madhe futbolli është ne gjendje ta transformoje Milanon ne Madrid. Kjo po ndodh ne veri te Italisë ne prag te derbit te madh spanjoll qe tashme është edhe derbi i Evropës finales se Uefa Champions League. Te paktën 60 mije jane zyrtarisht, por deri ne 150 mije llogariten te jene mbështetës te te dy ekipeve si nga Spanja ashtu dhe nga gjithë Evropa, pse jo edhe Shqipëria. Te gjitha sheshet kryesore dhe rrugët e Milanos jane pushtuar nga grupe tifozësh qe mbajnë veshur ngjyrat e skuadrave te zemrës. Me shume bien ne sy fanellat e Kristiano Ronaldos dhe Antoin Grizman. Edhe UEFA ka menduar mire per te rritur temperature e atmosferës ne qytet teksa dekorimi nuk ndalet vetem me stadiumin, por edhe tramet e famshëm te Milanos mbajne ngjyrat dhe reklamat e ndeshjes. Nuk mungon edhe spektakli teksa ne kuadër te finales ka patur dhe nje duel spektakli mes Trezege dhe Zambrotes ne tarracën e nje gratacele te cilët u ndeshen ne goditje penalltish ndaj njeri tjetrit. Megjithatë nder me interesantet mbetet nje tifoz i Atletikos qe ka bere me Pezhone e tij te vjetër 1500 kilometra nga Alikante, per te ndjekur skuadrën e tij te zemrës me shpresën se do te fitoje titullin e pare ne histori. Ne fund nje gjë është e sigurt qe titulli kampion do te këndohet dhe festohet ne spanjisht.