Presidenti francez Emmanuele Macron u zotua se do të rindërtojë katedralen mesjetare të Notre-Dame pas zjarrit të rënë pasditen e të hënës ku u shkatërua një pjesë e madhe e ndërtesës gotike 850 vjeçare.
Zjarrëfikësit arritën të shpëtonin strukturën kryesore të gurit gotik duke përfshirë dhe dy kullat.
Zjarri arriti të vihej nënkontroll gati nëntë orë pas fillimit të tij.
Shkaku I zjarrit nuk është ende i qartë, por zyrtarët thonë se kjo mund të lidhet me punimet që po bëheshin në katedrale.
Prokuroria e Parisit tha se aktualisht është duke u hetuar si një aksident.
