Presidnti francez Emanuel Macron është pritur me duartrokitje para se të mbante fjalimin e tij ne Kongresin Amerikan. Para ligjvënësve, ai rikujtoi miqësinë e hershme e historinë e përbashkët të Francës dhe Shteteve të Bashkuara.
“Franca ka marrë pjesë me zemër në dorë në historinë e këtij kombi të madh që nga fillimi. Dy kombet tona janë të rrënjosura në të njëjtën toke. Ne nuk e kemi humbur kurrë lidhjen e veçantë mes vendeve tona”.
Presidenti francez u ndal edhe tek marrëveshja me Iranin për programin bërthamor duke i bërë thirrje presidentit Trump të mos e braktisë atë.
“Ne e nënshkruam dhe nuk duhet ta braktisim atë. Ky është pozicioni im. Presidenti juaj dhe vendi juaj duhet të marrin përgjegjësitë e veta lidhur me këtë çështje”.
Në vizitën e tij të parë si president i Francës në SHBA, Emmanuel Macron, duket se ka mundur te binde shefin e Shtëpisë se Bardhe Trump. Dy homologët kane rene dakord të ketë një marrëveshje të re me Iranin.
Më 12 maj, Trump duhet të vendosë që të firmosë ose jo zgjatjen e paktit bërthamor.
